Photo by Mom Sovithyea. By Horn Chantra and Mom Sovithyea, Year 2 students of the Department of Media and Communication PHNOM PENH – After nearly seven decades of serving as the country’s main gateway, Phnom Penh International Airport – Cambodia’s first and oldest airport – is bidding farewell to the world, paving the way for a […]
Nostalgia for Phochentong Airport as Cambodia begins a new era of air travel Read More »
ទិដ្ឋភាពនៃផ្លូវថ្មើរជើងចតុមុខ ក្នុងរាជធានីភ្នំពេញ នៅយប់ថ្ងៃទី២ ខែមិថុនា ឆ្នាំ២០២៥។ រូបភាពដោយ ភក្តិ សុភា ដោយ ង៉ូវ ផីយី និង តិច សុខគីម និស្សិតឆ្នាំទី២ នៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ រាជធានីភ្នំពេញ – បន្ទាប់ពីព្រះអាទិត្យបានលិចផុតពីជើងមេឃ សំឡេងរបស់ម៉ាស៊ីនរថយន្ត និងស៊ីផ្លេដែលធ្លាប់តែឮសូរជាប្រចាំ ត្រូវបានជំនួសដោយសំឡេងជជែកកម្សាន្ត សំណើចក្អាកក្អាយ ក្លិនឈ្ងុយនៃអាហារដែលកំពុងចម្អិននៅលើចិញ្ចើមផ្លូវ អមដោយសូរតន្ត្រី និងសន្ធឹកជើងមនុស្សដើរនៅលើដងផ្លូវស្របតាមដងទន្លេសាប។ សូមស្វាគមន៍មកកាន់ផ្លូវថ្មើរជើងចតុមុខ — ជាគម្រោងលំហសាធារណៈមួយកំពុងពេញនិយមក្នុងរាជធានីភ្នំពេញ។ ផ្លូវថ្មើរជើងចតុមុខ ត្រូវបានដាក់ឱ្យដំណើរការជាគម្រោងសាកល្បងនៅថ្ងៃទី១ ខែកុម្ភៈ ឆ្នាំ២០២៥ ដោយលាតសន្ធឹងប្រវែងជិត ២គីឡូម៉ែត្រ តាមបណ្តោយមាត់ទន្លេ ចាប់ពីអគារប្រៃសណីយ៍ចាស់រហូតដល់ទីនៅមុខព្រះបរមរាជវាំង។ នៅរៀងរាល់ចុងសប្តាហ៍ ចាប់ពីម៉ោង ៦ ល្ងាច ដល់ម៉ោង ១១ យប់ ផ្លូវនេះត្រូវបានបិទមិនឱ្យយានយន្តគ្រប់ប្រភេទធ្វើចរាចរណ៍ ទុកសម្រាប់តែអ្នកថ្មើរជើងប៉ុណ្ណោះ។ គម្រោងនេះជាផ្នែកនៃចក្ខុវិស័យទូលំទូលាយមួយ សំដៅបង្កើនលំហបៃតង និងលំហសាធារណៈដែលជាតម្រូវការជាចាំបាច់សម្រាប់សុខុមាលភាពនៅក្នុងទីក្រុងមួយ ដែលកំពុងរីកលូតលាស់យ៉ាងឆាប់រហ័ស និងមានប្រជាជនរស់នៅជាង ២,៥ លាននាក់។ អ្នកស្រី
ផ្លូវថ្មើរជើងចតុមុខ៖ ជំហានមួយឆ្ពោះទៅបង្កើនភាពបៃតងក្នុងរាជធានីភ្នំពេញ Read More »
រូបភាពដោយ ជា សុខហេង ដោយ វ៉ាត់ សុខហេង និង អ៊ឹង បញ្ញាពេជ្រ និស្សិតឆ្នាំទី២ នៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ ភ្នំពេញ — រដ្ឋបាលរាជធានីភ្នំពេញបានហាមការជក់បារី និងការបង្ហុយផ្សែងផលិតផលថ្នាំជក់គ្រប់ប្រភេទ រួមទាំងបារីអេឡិចត្រូនិច (e-cigarettes) និងស៊ីហ្សា (shisha) នៅលើផ្លូវថ្មើរជើងចតុមុខ ដើម្បីការពារសុខភាពរបស់សាធារណជន ក្នុងពេលដើរកម្សាន្តនៅចុងសប្តាហ៍។ បម្រាមនេះ ដែលរដ្ឋបាលរាជធានីភ្នំពេញបានដាក់ចេញនៅក្នុងសេចក្តីណែនាំមួយកាលពីថ្ងៃទី៨ ខែសីហា ត្រូវ អនុវត្តចាប់ពីម៉ោង ១៨:០០នាទី ដល់ម៉ោង ២៣:០០នាទី រៀងរាល់ថ្ងៃសៅរ៍ និងថ្ងៃអាទិត្យ នៅពេលផ្លូវនេះ លែងឱ្យមានយានយន្តឆ្លងកាត់ ទុកសម្រាប់អ្នកថ្មើរជើងដើរលំហែរ និងហាត់ប្រាណ។ ការជក់បារី ឬបង្ហុយផ្សែងផលិតផលថ្នាំជក់ត្រូវបានហាមឃាត់ដាច់ខាតនៅ នៅលើបរិវេណទីធ្លា តាមដងផ្លូវ លើសួនច្បារសាធារណៈរួមទាំងទីតាំងខាងមុខភោជនីយដ្ឋាន និងហាងទំនិញនានា នៅតាមបណ្តាយផ្លូវថ្មើរជើងនេះ ដែលមានប្រវែងជិត ២គីឡូម៉ែត្រ។ សេចក្តីណែនាំបានបន្ថែមទៀតថា ម្ចាស់អាជីវកម្ម ម្ចាស់សេវាកម្មទេសចរណ៍ និងអាជីវករ នៅតាមបណ្តោយផ្លូវនេះ ត្រូវបិទសញ្ញាហាមជក់បារី ឬបង្ហុយផ្សែងផលិតផលថ្នាំជក់ ឱ្យមើលឃើញច្បាស់។ ការផ្សព្វផ្សាយពាណិជ្ជកម្ម
ផ្លូវថ្មើរជើងចតុមុខជាតំបន់គ្មានផ្សែងថ្នាំជក់នាចុងសប្តាហ៍ Read More »
កុមារកំពុងលេងបាល់នៅជំរុំជនភៀសសឹក ស្ថិតនៅវត្តពោធិ៥០០០ដើម ឃុំគូលេនត្បូង ស្រុកគូលេន ខេត្តព្រះវិហារ ភ្នំពេញ — ប្រទេសកម្ពុជា និង ប្រទេសថៃ បានព្រមព្រៀងគ្នាលើលក្ខខណ្ឌសម្រាប់អនុវត្តបទឈប់បាញ់ បន្ទាប់ពីមានកិច្ចប្រជុំវិសាមញ្ញនៃគណៈកម្មាធិការព្រំដែនទូទៅ កម្ពុជា-ថៃ (GBC) ដែលបានធ្វើឡើងនៅរដ្ឋធានីកូឡា ឡាំពួរ ប្រទេសម៉ាឡេស៊ី នៅថ្ងៃទី៧ ខែសីហា នេះ។ លោក ទៀ សីហា ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិនៃព្រះរាជាណាចក្រកម្ពុជា និងលោក ណាត់ថាផន ណាក់ផានិត រដ្ឋមន្ត្រីរងការពារជាតិនៃរដ្ឋមន្ត្រីការពារជាតិស្តីទីនៃព្រះរាជាណាចក្រថៃ បានចុះហត្ថលេខាលើឯកសារកំណត់ហេតុនៃកិច្ចប្រជុំ ក្រោមការសម្របសម្រួល និងរៀបចំធ្វើម្ចាស់ផ្ទះរបស់ប្រទេសម៉ាឡេស៊ី។ ការព្រមព្រៀងគ្នានេះជាជំហានសំខាន់មួយទៀតសំដៅបញ្ចៀសការផ្ទុះអាវុធសាជាថ្មីរវាងកងទ័ពនៃប្រទេសទាំងពីរ ក្រោយពីបានធ្វើការវាយប្រហារគ្នានៅតាមតំបន់មានជម្លោះព្រំដែន អស់រយៈពេលប្រាំថ្ងៃ ពីថ្ងៃទី២៤ ដល់ថ្ងៃទី២៨ ខែកក្កដា។ កំណត់ហេតុដែលមាន ១៣ ចំណុចធំៗ ផ្តើមជាមួយការយល់ព្រមរបស់ភាគីទាំងពីរលើ “បទឈប់បាញ់ ពាក់ព័ន្ធនឹងប្រភេទអាវុធទាំងអស់ រួមទាំងការវាយប្រហារលើជនស៊ីវិល និងវត្ថុស៊ីវិល និងគោលដៅយោធារបស់ភាគីម្ខាងៗ ក្នុងគ្រប់ករណី និងគ្រប់តំបន់។ ភាគីទាំងពីរត្រូវតែចៀសវាងការបាញ់ប្រហារដែលគ្មានការបង្កហេតុទៅកាន់ទីតាំងឬកងទ័ពរបស់ភាគីម្ខាងទៀត។ កិច្ចព្រមព្រៀងនេះមិនត្រូវបានបំពានក្នុងកាលៈទេសៈណាមួយឡើយ។” ការដាក់ពង្រាយកងទ័ពបច្ចុប្បន្ននឹងរក្សានៅដដែល ដោយគ្មានការផ្លាស់ទីបន្ថែមទៀត ដូចដែលបានកំណត់ចាប់ពីពេលដែលបទឈប់បាញ់ចូលជាធរមាន ថ្ងៃទី
កម្ពុជា និង ថៃ ព្រមព្រៀងគ្នាលើលក្ខខណ្ឌសម្រាប់អនុវត្តបទឈប់បាញ់ Read More »
ការប្រឡងសញ្ញាប័ត្រមធ្យមសិក្សាទុតិយភូមិបានបញ្ចប់ហើយ មានប្អូនៗសិស្សានុសិស្សខ្លះសម្រេចចិត្តថានឹងចាប់ផ្តើមរកស៊ី ឬប្រកបអាជីពផ្សេង ហើយប្អូនៗខ្លះទៀតកំពុងតែស្វែងរកព័ត៌មានអំពីមុខជំនាញសិក្សានៅឯសាកលវិទ្យាល័យ។ ប្រសិនបើអ្នកទាំងអស់គ្នាកំពុងតែស្ថិតនៅក្នុងដំណាក់កាលស្វែងរកជំនាញសិក្សា សូមចងចាំថាការរើសជំនាញសិក្សាមួយដែលត្រឹមត្រូវ ពិតជាមានសារៈសំខាន់ណាស់សម្រាប់អ្នកទាំងអស់គ្នា។
ហេតុអ្វីបានជាការរើសជំនាញសិក្សានៅសាកលវិទ្យាល័យឱ្យបានត្រឹមត្រូវមានសារៈសំខាន់? Read More »
នៅក្នុងពេលមួយពព្រិចភ្នែក ទំព័រជីវិតជាសិស្សវិទ្យាល័យត្រូវបានបិទបញ្ចប់ស្របពេលជាមួយនឹងដំណាច់ឆ្នាំ២០២១ដែរ។ នៅកំឡុងពេលនេះ សិស្សខ្លះបានត្រៀមគោលដៅបន្តក្រោយចប់វិទ្យាល័យរួចរាល់ ប៉ុន្តែក៏មានសិស្សមួយចំនួនដែលមានអារម្មណ៍ថាខ្លួនឯងកំពុងតែស្ថិតនៅកណ្តាលសមុទ្រគ្មានកោះត្រើយ មិនដឹងថាគួរជ្រើសរើសផ្លូវណាបន្ត ឬគួររើសជំនាញសិក្សាអ្វីនៅសាកលវិទ្យាល័យ ដែលធ្វើឲ្យពួកគេធ្វើការសម្រេចចិត្តស្វែងពិភាក្សាជាមួយអ្នកនៅជុំវិញខ្លួន។ យ៉ាងណាមិញ មិនថាអ្នកសម្រេចចិត្តជ្រើសរើសយកជំនាញសិក្សាមួយណានោះទេ ការសម្រេចចិត្តរបស់អ្នកអាចនឹងទទួលរងនូវឥទ្ធិពលពីតក្តាផ្សេងៗ ដែលធ្វើឲ្យអ្នកសម្រេចចិត្តមិនបានត្រឹមត្រូវ។ ដើម្បីជួយអ្នកក្នុងការកាត់បន្ថយឥទ្ធិពលនៃកត្តាផ្សេងៗមកលើការសម្រេចចិត្តជ្រើសរើសជំនាញសិក្សារបស់អ្នក ខ្ញុំសូមលើយកកត្តាចំនួន៣មកនិយាយ៖ ១. ក្រុមគ្រួសារ យោងតាមការសិក្សាមួយបានបង្ហាញថា ឪពុកម្តាយ ឬអាណាព្យាបាលមានឥទ្ធិពលជាច្រើនទៅលើការសម្រេចចិត្តជ្រើសរើសជំនាញសិក្សារបស់កូន។ ដោយហេតុថា មនុស្សម្នាក់ៗបានធំដឹងក្តីជាមួយការចិញ្ចឹមបីបាច់របស់ឪពុកម្តាយនិងអាណាព្យាបាល ការគិតរបស់ពួកគេក៏នឹងបត់បែនទៅតាម កម្រិតអប់រំ ផ្នត់គំនិត និងការរំពឹងទុករបស់អ្នកដែលបានទំនុកបម្រុងខ្លួនផងដែរ។ វានឹងជារឿងល្អមួយប្រសិនបើមុខជំនាញដែលអ្នកស្រឡាញ់ ស្របទៅនឹងជំនាញដែលឪពុកម្តាយរបស់អ្នកចង់ឲ្យរៀន ក៏ប៉ុន្តែប្រសិនបើអ្នកពេញចិត្តលើមុខជំនាញដែលឪពុកម្តាយមិនចង់ឲ្យរៀន នោះអ្នកនឹងមានការលំបាកក្នុងការសម្រេចចិត្ត។ ២. មិត្តភក្តិ និងមនុស្សជុំវិញខ្លួន ជាធម្មតា សិស្ស/និស្សិតតែងតែសួរគ្នាទៅវិញទៅមកអំពីមុខជំនាញដែលមិត្តភក្តិរបស់គេនឹងបន្តការសិក្សានៅថ្នាក់សាកលវិទ្យាល័យ ហើយជារឿយៗពួកគេបានសម្រេចចិត្តរៀនមុខជំនាញដូចគ្នាដើម្បីបានរៀនជាមួយគ្នាបន្តនៅសាកលវិទ្យាល័យ។ ៣. សង្គម បរិបទនៅក្នុងសង្គមដូចជាការឲ្យតម្លៃទៅលើអាជីពមួយជាងអាជីពផ្សេង និងកត្តាផ្សេងៗជាច្រើនដូចជាផ្នត់គំនិតរបស់សង្គមទៅលើ ភេទ ជនជាតិ សាសនា វប្បធម៌ សុទ្ធសឹងតែជាជះឥទ្ធិពលទៅលើការសម្រេចចិត្តរបស់មនុស្ស។ ប្រសិនបើអ្នកមានបំណងបន្តមុខជំនាញថ្មីៗដែលគេពុំសូវស្គាល់ នោះអ្នកអាចនឹងត្រូវបានគេបញ្ចុះបញ្ចូលឲ្យចាប់យកជំនាញដែលពេញនិយមដូចជា វិជ្ជសាស្ត្រ វិស្វកម្ម ឬជំនាញច្បាប់ជាដើម។ ជាចុងបញ្ចប់នៃអត្ថបទនេះ ខ្ញុំសូមដកស្រង់ឃ្លាមួយចេញពីសៀវភៅ “If I stay” ដែលនិយាយថា
© 2025 DMC MEDIA LAB | Powered by the Department of Media and Communication (DMC)