______ចូលស្ដាប់គ្រប់ភាគនៅខាងក្រោម ______
«THE DMC WAY» គឺជាការពិភាក្សារវាងវាគ្មិនកិត្តិយស ដែលជាអតីតនិស្សិត DMC និងកំពុងប្រកបអាជីពក្នុងផ្នែកប្រព័ន្ធផ្សព្វផ្សាយ និងសារគមនាគមន៍។ កម្មវិធីនេះមានគោលបំណងចែករំលែកចំណេះដឹង បទពិសោធន៍ជីវិត និងការងារដល់ទស្សនិកជន ជាពិសេសសម្រាប់សិស្សនិស្សិតដែលចង់ស្វែងយល់បន្ថែមអំពីជំនាញនិងអាជីពក្នុងវិស័យប្រព័ន្ធផ្សព្វផ្សាយ និងសារគមនាគមន៍ និងសម្រាប់សិស្សានុសិស្សដែលកំពុងស្វែងរកជំនាញសិក្សាក្រោយបញ្ចប់ការប្រឡងថ្នាក់មធ្យមសិក្សាទុតិយភូមិ។
កម្មវិធីនេះមានគោលបំណងចែករំលែកចំណេះដឹង បទពិសោធន៍ជីវិត និងការងារដល់ទស្សនិកជន ជាពិសេសសម្រាប់សិស្សនិស្សិតដែលចង់ស្វែងយល់បន្ថែមអំពីជំនាញនិងអាជីពក្នុងវិស័យប្រព័ន្ធផ្សព្វផ្សាយ និងសារគមនាគមន៍ និងសម្រាប់សិស្សានុសិស្សដែលកំពុងស្វែងរកជំនាញសិក្សាក្រោយបញ្ចប់ការប្រឡងថ្នាក់មធ្យមសិក្សាទុតិយភូមិ។
ផតខាសនេះត្រូវបានផលិតដោយដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) នៅសាកលវិទ្យាល័យភូមិន្ទភ្នំពេញ (RUPP) ហើយទទួលបានការគាំទ្រពី Leng kheang ឡេងឃាង និង Nanlite លើសម្ភារៈប្រើប្រាស់ថត។
វាគ្មិនកិត្តិយលោក រ៉ូ គីមឡុង អ្នកសម្របសម្រួលកម្មវិធីសិក្សា នៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ ដែលនឹងមកពិភាក្សា និងណែនាំអំពី ថ្នាក់បរិញ្ញាបត្រ ជំនាញគ្រប់គ្រងប្រព័ន្ធផ្សព្វផ្សាយ។
វាគ្មិនកិត្តិយសកញ្ញា រិទ្ធី លំអរពេជ្រ អគ្គនាយិកាភ្លើងគប់ និងជាសហស្ថាបនិកបុណ្យភូមិ ដែលនឹងមកពិភាក្សាអំពីអាជីពជាផលិតករភាពយន្ដ និងអ្នករៀបចំព្រឹត្តិការណ៍។
វាគ្មិនកិត្តិយសលោក អ៊ុង ប៉េងអាន (Think with PingAnn គិតជាមួយប៉េងអាន) ជាអ្នកប្រឹក្សាផ្នែកទំនាក់ទំនង និងសហគ្រិន ដែលនឹងមកពិភាក្សាអំពីអាជីពក្នុងវិស័យទំនាក់ទំនង។
វាគ្មិនកិត្តិយសកញ្ញា អៀ សុនិតា ប្រធានផ្នែកផលិតវីដេអូ សារព័ត៌មានគិរីផូស ដែលនឹងមកពិភាក្សាអំពីការផលិតវីដេអូឯកសារ។
វាគ្មិនកិត្តិយសលោក សាំ ឧត្តម អ្នកសារព័ត៌មាន វិទ្យុបារាំងអន្តរជាតិ (RFI ខេមរភាសា) ដែលនឹងមកពិភាក្សាអំពីអាជីពជាអ្នកសារព័ត៌មាន។
វាគ្មិនកិត្តិយស ឯកឧត្តម ទិត ច័ន្ទតារា ទីប្រឹក្សាឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាសាស្ត្រាចារ្យ នៅដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍ ដែលនឹងមកពិភាក្សាអំពីអាជីពជាមន្រ្តីទំនាក់ទំនងសាធារណៈ ក្រោមប្រធានបទ៖ «គុណវុឌ្ឍិនៃមន្រ្តីទំនាក់ទំនងសាធារណៈ»។
វាគ្មិនកិត្តិយស ឯកឧត្តម ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ ដែលនឹងមកពិភាក្សាអំពីអាជីពជាអ្នកនាំពាក្យ និងអំពីប្រធានបទ៖ «បទពិសោធក្នុងវិស័យមេឌា»។
